शहिदनगरको १७ जनाको स्वाब परीक्षण, सबैको रिपोर्ट नेगेटिभ

न्यूज ब्यूरो, जनकपुरधाम । धनुषाको शहिदनगर नगरपालिकाको क्वारेन्टाईनमा बसेका सबै जनाको रिपोर्ट नेगेटिभ आएको छ ।

नगर प्रमुख उदय कुमार बरबरिया (यादव) द्धारा हस्ताक्षरित रिपोर्ट सम्बन्धी सूचनामा १७ जनाको रिपोर्ट नेगेटिभ आएको उल्लेख गरिएको छ ।

गत वि.सं. २०७६ चैत्त २५ गते क्वारेन्टाईनमा बसेका सबै जनाको स्वाबको स्याम्पल लिइएको थियो । उनीहरुको स्वाब परीक्षणको लागि काठमान्डौको टेकु अस्पतालमा लगिएको थियो ।

शहीदनगर नगरपालिका क्षेत्र भित्र बिदेशबाट आई क्वारेन्टाइनमा बसेका १६ जना र एम्बुलेन्स ड्राइभर १ जना सहित जम्मा १७ जना व्यक्तिहरुको कोरोना भाइरस परिक्षणका लागि मिति गत वर्षको चैत्त २५ गते थ्रोट स्वाब सँकलन गरिएको थियो ।

प्रादेशिक जनस्वास्थ्य प्रयोगशाला ,जनकपुरको प्राविधिक सहयोगमा थ्रोट स्वाब नमुनाहरु संकलन गरी पि.सि.आर. परिक्षण पद्धती द्वारा कोरोना भाईरस संक्रमण परिक्षणको लागी पठाईएको थियो ।

थ्रोट स्वाब सँकलन गरी राष्ट्रिय जनस्वास्थ्य प्रयोगशाला, टेकुमा पठाइएको मध्ये प्रदेश जनस्वास्थय प्रयोगशाला, जनकपुर मार्फत प्राप्त रिपोर्ट अनुसार संकलित सबै जनाको नमुनाहरुमा कोभिड–१९ परिक्षणको नतिजा निगेटिभ आएको बताइएको छ ।

उनीहरुमा कारोना भाईरस संक्रमण नदेखिएको नगरपालिकाद्धारा जारी गरिएको विज्ञप्तिमा उल्लेख गरिएको छ ।

शहिदनगर नगरपालिकाले व्यवस्थापन गरेको क्वारेन्टाईनमा अहिले ६ जना रहेको छ भने बाँकी १७ जनालाई आजै डिस्चार्ज समेत गरिएको मेयर बरबरियाले बताउनुभयो ।

उनीहरुलाई १५ दिनबढी क्वारेन्टाईनमा राखिएको थियो ।