२२ मोटरसाईकल नियन्त्रणमा

न्यूज ब्यूरो, सप्तरी । सरकारले लगाएको लकडाउनमा पनि सवारी चलाउने उपर कारवाही स्वरुप २२ वटा मोटरसाईकल नियन्त्रणमा लिइएको छ ।

प्रदेश नं. २ को सप्तरी जिल्लााको शम्भुनाथ नगरपालिका वडा नं. ६ स्थित रहेको प्रहरी चौकी कठौनाले बाहिर निस्केका २२ मोटरसाईकललाई नियन्त्रणमा लिएको हो ।

लकडाउनमा पनि जथाभावी घर बाहिर निस्केका २२ मोटरसाईकललाई प्रहरीले नियन्त्रणमा लिएर कारवाही सुरु गरेको छ ।

सो क्रममा पूर्व पश्चिम राजमार्गमै कोही सँग हेल्मेट नभएको ३ जना सवार भएको, कागजपत्र समेत नभएकोहरुलाई समेत नियन्त्रणमा लिएको प्रहरी चौकी कठौनाले जानकारी दिए ।

आज (विहिबार) विहानैदेखि विहान १० बजेसम्म मात्र २२ वटा मोटरसाईकल नियन्त्रणमा लिएको हो । उनीहरुलाई जिल्लाको आदेश अनुसार कारवाही गरिने जनाइएको छ ।

उनीहरुलाई जरिवाना सहितको कारवाही गरिने जनाइएको छ ।