देशभर कोरोनाको आशंकामा २२ सयबढीको नमुना परीक्षण

न्यूज ब्यूरो, काठमाडौं । विश्वभर महामारी रुपमा फैलिएको कोरोना भाइरस (कोभिड–१९) संक्रमणको आशंकामा देशभर दुई हजार दुई सय ३५ जनाको स्वाब नमुना परीक्षण गरिएको छ ।

तीमध्ये दुई हजार एक सय ७३ जनाको परीक्षण रिपोर्ट नेगेटिभ देखिएको छ भने ९ जनामा मात्रै संक्रमण पुष्टि भएको छ । देशभर बाग्मती प्रदेशमा सबैभन्दा बढी एक हजार आठ सय ७४ जनाको स्वाब नमुना परीक्षण गरिएको छ ।

यस्तै, प्रदेश १ मा ६५, प्रदेश २ मा १०३, बाग्मतीमा एक हजार आठ सय ७४, गण्डकीमा एक सय ६, प्रदेश ५ मा १४, कर्णालीमा ५६ र सुदूरपश्चिममा १८ नमुनाको रिपोर्ट आइसकेको त्यहाँस्थित अस्पतालले जनाएका छन् ।

देशका सात प्रदेशका १० ठाउँमा कोरोना भाइरस संक्रमणको नमुना परीक्षण भइरहेको छ ।