कक्षा ११ र १२ को परीक्षा बारे निर्णय लिइँदै

न्यूज ब्यूरो, काठमाडौं । कक्षा ११ र १२ को परीक्षा रोक्ने कि नरोक्ने भन्ने विषयमा आज निर्णय गरिने भएको छ ।

परीक्षाबारे टुंगो लगाउन आज दिउँसो राष्ट्रिय परीक्षा बोर्डको बैठक बस्न लागेको हो । आजको बैठकले परीक्षा रोक्ने वा नरोक्ने विषयमा निर्णय गर्ने शिक्षा मन्त्रालय स्रोतले जनाएको छ ।

कक्षा १२ को परीक्षा आगामी वैशाख ८ र कक्षा ११ को वैशाख २१ गतेबाट गर्ने निर्णय यस अघि नै बोर्डले गरेको थियो । कोरोना संक्रमण फैलिने डरको कारण सरकारले माध्यमिक शिक्षा परीक्षा (एसइई) स्थगित भइसकेको छ ।

एसइई रोकिएकाले कक्षा ११ र १२ को परीक्षासमेत रोकिने सम्भावना रहेको स्रोतले जनाएको छ ।