नेपालमा कोरोना : ९ हजार नागरिक निगरानीमा

न्यूज ब्यूरो, काठमाडौं । कोरोना भाइरस (कोभिड १९) संक्रमणको आशंकामा सरकारले ९ हजारभन्दा बढी नागरिकलाई निगरानीमा राखेको छ ।

कोरोना संक्रमण पुष्टि भएकासँग सम्पर्क गरेका व्यक्ति, विदेशबाट आएका र कोरोनासँग मिल्दाजुल्दा लक्षण देखिएका ९ हजार २ सय ८० जनालाई सरकारले शंकाको घेरामा राखेको स्वास्थ्य मन्त्रालयले जनाएको छ ।

स्वास्थ्य मन्त्रालले जनाएअनुसार, हाल देशभर कोरोना आशंकित १०७ जना आइसोलेसनमा छन् । यसैगरी देशभर ९ हजार १ सय ६८ जनालाई क्वारेन्टिनमा राखिएको छ ।