प्रदेश २ मा १९ सयबढी क्वारेन्टाइनमा, आइसोलेसनमा कति ?

न्यूज ब्यूरो, जनकपुरधाम । प्रदेश २ मा हालसम्म १९ सय ४५ जना क्वारेन्टाइनमा भर्ना भएका छन् ।

प्रदेशको विभिन्न जिल्लामा ८ सय ६५ जना क्वारेन्टाइन र १ हजार ८० जना होम क्वारेन्टाइनमा रहेको समाजिक विकास मन्त्रालयका सचिव रामप्रसाद घिमिरेले जानकारी दिए । यस प्रदेशमा हालसम्म २ हजार ९ सय १८ बेड क्षमताको १ सय ४२ वटा क्वारेन्टाइन निर्माण गरिएको छ ।

यस्तै, प्रदेश २ मा ८७ बेड क्षमताको आइसोलेसन वार्ड निर्माण गरिएकोमा २७ जना भर्ना छन् । लकडाउनलाई अझै प्रभावकारी बनाउन प्रदेश सरकार थप कठोर भएर प्रस्तुत समाजिक विकास मन्त्रालयले जनाएको छ ।