सिटिजन बैँकका सिईओ श्रेष्ठको न्यानो माया

जनकपुरधाम, ४ माघ ।

सिटजन बैँकका सिईओ राम धहन श्रेष्ठले माया र सम्मान स्वरुप शितलहर पीडितलाई ब्लान्केट वितरण गरेका छन् ।

विगत केही दिनदेखि तराई मधेसमा चलेको नियमित शितलहरका प्रभावितहरुलाई राहत वितरण कार्य जारी राख्दै ब्लान्केट वितरण गरेका हुन् ।

महोत्तरीको औरही नगरपालिका भित्र रहेको सिटिजन बैँकको शाखाका सिईओ श्रेष्ठ नेतृत्वका टिमले नगर भित्रका असहाय, गरिब, विपन्न तथा दलित अल्पसँख्यक र सीमान्तकृत समुदायका वृद्धवृद्धाहरुलाई राहत स्वरुप प्रति परिवार एक ब्यान्केट प्रदान गरेका हुन् ।

श्रेष्ठका साथै शाखाकी निर्देशक चन्द्रका कार्की तथा शाखाकै म्यानेजर सन्दिप अधिकारी सम्मलित टिमले सहयोगी हात अघि बढाएका हुन् ।
बैँक परिवारले औरहीमा २ सय २ जना तथा गौशालामा २ सय २४ जनालाई न्यानो ब्लान्केट प्रदान गरेका हुन ।