कोरोनाबाट जोगाउन वडावासीलाई वडाध्यक्षले बाँडे मास्क

न्यूज ब्यूरो, जनकपुरधाम । विश्वभर महामारीको रुपमा फैलिँदै गएको कोरोना भाइरस (कोभिड १९) बाट बच्न बिदेह नगरपालिकामा वडाअध्यक्ष सर्वसाधारणलाई मास्क वितरण गरिएको छ ।

बिदेह नगरपालिका वडा नं. ४ मा मास्क वितरण गरिएको छ । वडाध्यक्ष विनोद गोहितमानले विभिन्न बस्तीमा सर्वसाधारणलाई सचेतना दिँदै कोरोनाबाट बच्न मास्क वितरण गरेको हो ।

वडाभरीमा रहेको झण्डै १५ सय घरधुरीमा सो मास्क वितरण गरेको वडाध्यक्ष गोहितमानले जानकारी दिए ।

आफ्ना जनतालाई सुरक्षित रहन वडाका हरेक नागरिकलाई नछुटाई मास्क प्रदान गरेको उनले बताए ।

उनले आफ्ना वडाबासीलाई सुरक्षित भएर बस्न आग्रहसमेत गरेका छन् । वडाध्यक्ष गोहित्मान्ले वडाभित्रका गरिब तथा विपन्नलाई चाँडै खाद्यान्न पनि उपलब्ध गराउने योजनामा रहेको बताए ।