जग्गाको विवादमा दोहोरो झडप, आधा दर्जन घाईते !

न्यूज ब्यूरो, रौतहट । जग्गा सम्बन्धी विवाद उग्र भएपछि झडप हुँदा आधा दर्जन व्यक्ति घाईते भएका छन् ।

रौतहटको देवाही गोनाही नगरपालिका अन्तरगत जग्गाको बिवाद लिएर भएको दुुईपक्षिय झडपमा परेर आधादर्जन मानिस घाईते भएको छन ।

देवाही गोनाही नगरपालिका ५ टिकुलियामा आज शुक्रबार बिहान ११ बजे बाटो निकाल्ने बिषयमा स्थानिय रामएकवाल मुखिया र प्रमोद दुुबे पक्ष बिच बिवाद भएको हो।

बिवादमा भनाभन हुँदै भएको झडपमा रामएकवाल मुखिया, सोनालाल मुखिया,प्रदिप मुखिया,कृष्ण मुखिया,र अर्को पक्षका प्रमोद दुुबे र मनोज दुुबे घाईते भएका हुन ।

घाईते मध्ये गम्भिर अवस्थामा रहेका रामएकवाल मुखिया,सोनालाल मुखिया र प्रदिप मुखियालाई गरुडामा सामान्य उपचार पछी थप उपचारका लागी एम्बुलेन्स बाट बिरगंज पठाईएको देवाही गोनाही ईलाका प्रहरी प्रमुख ईन्सपेक्टर मेदनी साहले बताएका छन ।

अन्य तिनजना घाईतेको प्रहरीको निगरानीमा गरुडा स्थित निजि अस्पतालमा उपचार भईरहेको छ ।

घाईतेमध्ये अधिकांसको टाउकोमा घाउ खत देखिएकाले झडपमा धारिलो हतियार प्रयोग भएको हुनसक्ने प्रारम्भिक अनुमान रहेको ईन्सपेक्टर मेदनी साहले जानकारी दिएका छन ।

झडपमा घाईतेमध्ये प्रमोद दुुबे नेपालीसेनाका बहालमा रहेका जवान हुन भने रामएकवाल मुखिया नेकपाका जिल्ला सदस्य हुन । तर प्रहरीले घटना स्थल बाट कुनै किसिमको हतियार बरामद गरेको छैन ।

घटनामा संलग्न दुुबैपक्षका मानिस घाईते भई उपचाररत रहेकाले कोई पक्राउ नभएको र घटनाबारे आवशयक अनुसंधान भईरहेको जिल्ला प्रहरी कार्यालय रौतहटले जनाएको छ ।

देवाही गोनाही नगर उपप्रमुख परनिया देवी पटेलले घटनाको सत्य तथ्य छानबिन गरी दोषीलाई कडा कार्यवाहीको माग गरेकी छिन ।

नेता प्रभु साहद्धारा कारवाहीको माग

यसैबीच नेकपा प्रदेश २ का सदस्य तथा संघिय सांसद प्रभु साहले कोरोना भाईरसको कारण निमिताएको महाबिपतीको घडीमा आफनो घरमा नबसी सुनियोजित तरिकाले पार्टी कार्यकर्ता रामएकवाल सहनी लगायत माथी संघातिक हमला भएको भनी घोर भर्सना गरेका छन ।

साथै घटनाको सत्थतथ्य छानबिन गरी दोषी उपर कडा कार्यवाहीका माग गरेका छन ।