नेपालमा रोकिएका ६ सय भारतीय क्वारेन्टाइनमा

न्यूज ब्यूरो, काठमाडौं । लकडाउनका कारण नेपालमा रोकिएका ६ सय जना भारतीयलाई क्वारेन्टाइनमा राखिएको छ ।

भारतीय नागरिकलाई देशको विभिन्न सीमा क्षेत्रमा राखिएको हो । जो जहाँ छ, त्यही देशले व्यवस्थापन गर्ने भारतसँगको सहमति अनुसार लकडाउनका कारण देश फर्किन नपाएका भारतीयलाई नेपालले नै स्याहार गरिरहेको छ ।

भारतले पनि नेपाली सीमामा आइपुगेका तर, सरकारले प्रवेश अनुमति नदिएका २ हजार नेपाली नागरिकको खानेबस्ने व्यवस्था गरिरहेको छ ।

भारतीय नागरिकहरुलाई दैनिक चार पटक खाना, दुई पटक स्वास्थ्य जाँच र सुरक्षाको व्यवस्था गरिएको छ ।