स्वास्थ्य सेवाका कर्मचारीलाई विदामा नबस्न निर्देशन

न्यूज ब्यूरो, काठमाडौं । सरकारले स्वास्थ्य सेवाका कर्मचारीलाई विदामा नबस्न निर्देशन दिएको छ ।

स्वास्थ्य सेवा विभागले मंगलबार सूचना प्रकाशित गरी कर्मचारीहरु विदामा बस्ने उपचारमा संलग्न नहुने गरेको जानकारी आएको हुँदा त्यसप्रति ध्यानाकर्षण भएको जनाएको छ ।

कोरोना भाइरस संक्रमणको त्रासका कारण अन्य बिरामीको समेत उपचार नगर्ने तथा स्वास्थ्यकर्मीहरु विदामा बस्ने गरेको समाचार सार्वजनिक भएपछि विभागले कडाई गरेको हो ।

विश्व्यापी महामारी भएको यस्तो अवस्थामा अन्य सबै स्वास्थ्य सेवाहरु सुचारु गर्नका लागि कुनै पनि कर्मचारी विदामा तथा काजमा नछोड्न र नियमित उपस्थित हुन विभागद्वारा निर्देशन गरिएको छ ।