वीरगञ्जमा अस्पतालले उपचार गर्न नमान्दा युवकको मृत्यु

न्यूज ब्यूरो, वीरगञ्ज । कोरोना संक्रमणको आशंकामा अस्पतालले उपचार गर्न नमान्दा बिरामीको मृत्यु भएको छ ।

वीरगञ्जका नेसनल, गण्डक र वीरगञ्ज हेल्थ केयर अस्पतालले उपचार गर्न नमान्दा बाराको कलैया उपमहानगरपालिका–२२ का २५ वर्षीय विजय कुशवाहको निधन भएको हो ।

कुशवहाको आइतबार राति त्रिवि शिक्षण अस्पताल पुग्ने बित्तिकै निधन भएको थियो । त्रिवि शिक्षण अस्पतालका कार्यकारी निर्देशक डा. प्रेमकृष्ण खड्गाका अनुसार कुशवाहको अस्पताल ल्याउँदा मृत्यु भइसकेको थियो ।

थ्रेसरमा मुसुरो कुट्ने क्रममा शुक्रबार खुट्टामा चोट लागेका कुशवाहको नेसनल मेडिकल कलेजले कोरोना संक्रमितको आशंकामा उपचार नगरिदिएकाले ज्यान गुमाउनुपरेको आफन्त महेश कुशवाहले बताए ।