रौतहटमा फेरी ८ वर्षीया बालिका बलात्कृत

न्यूज ब्यूरो, रौतहट । सरकारले घोषणा गरेको लकडाउनको अवधिमै रौतहटमा थप अर्की एकजना नाबालिका बलात्कृत भएकी छिन् ।

रौतहटको फतुवा बिजयपुर नगरपालिकामा फेरी एकजना ८ बर्षिया नाबालिका बलात्कारको सिकार भएकी हुन् । यसअघि कटहरिया ६ बगहीमा १७ बर्षिया बालिका कलात्कृत भएकी थिइन् ।

फतुवा बिजयपुर वडा ५ फतुवा गाँउका प्रताप पाश्वानका १८ बर्षिय छोरा नवल पाश्वानले आफ्नो छिमेककी ८ बर्षिया नाबालिकालाई बलात्कार गरेको प्रहरीले जनाएको छ । शनिवार राति घरबाट नजिकैको किराना पसलका खानेतेल किन्न गईरहेकी नाबालिकालाई अभियुक्त पाश्वानले समातेर नजिकैको गल्लीमा लगेर जबरदस्ती करणी गरेका हुन् ।

ईलाका प्रहरी कार्यालय बिजयपुरका प्रमुख प्रहरी निरिक्षक चन्द्रकिसोर साहले दिएको जानकारी अनुसार, बालिको स्वास्थ्य परीक्षण गरिएको छ । आरोपी नवल पाशवानमाथी बालयौन दुराचार सम्बन्धि मुद्दा दर्ता गरी अदालतबाट आदेश लिएर अनुसन्धान गरिरहेको जनाइएको छ ।