जनकपुरः मनाइएन चैत्ते छठ, आस्थामा पीडा

न्यूज ब्यूरो, जनकपुरधाम । प्रत्येक वर्ष मनाउँदै आएको धार्मिक आस्थाको पर्व चैत्ते छठ यसपाली घरमै मनाइएको छ ।

विश्वमा महामारीको रुपमा फैलिएको कोरोना भाइरसको सँक्रमणलाई मध्यनजर गर्दै जनकपुरमा प्रत्येक वर्ष मनाइने चैत्ते छठ समेत पोखरीमा मनाउन पाएको छैनन् ।

जिल्ला प्रहरी कार्यालय धनुषाले जनकपुरवासीमा कोरोना सँक्रमण र सरकारले गरेको लकडाउनलाई मध्यनजर गर्दै कुनै पनि पोखरी तलाउमा छठ नमाइदिन आग्रह गरेको छ ।

छठ पर्वको क्रममा पोखरी वा तलाउमा हुन सक्ने सम्भावित भीडलाई मध्यनजर गर्दै छठ नमनाउन आग्रह गरिएको हो । प्रशासनले घरमै कुनै व्यवस्था मिलाएर छठ पर्व मनाउन आग्रह गरेको हो ।

यतिबेला जनकपुरमा लकडाउन नभएको भए जनकपुरको रौनकता, छठको मधुर गीतले मगमग हुन्थ्यो । महामारीमा सबैलाई प्रशासनले घरभित्रै बस्न आग्रह गरेको छ ।

सरकारले लकडाउन १८ गतेसम्म तोकिएको थियो भने आईतबार पुनः २६ गतेसम्मको लागि अवधि बढाएको हो ।