देशको मुख्य 'पीलर' लाई मजबुत पार सरकार

सम्पादकीय । पीलर नै ढले घरका मालिक किचिएर मर्ने स्वभाविक हो । हो, अहिले देशको मुख्य पीलर भनेको देशका हाम्रा सुरक्षाकर्मी हुन् ।

विश्वमा महामारी फैलिसकेको अवस्था छ । यस्तोमा सरकारले गरेको लकडाउनमा पनि अहोरात्र खटने हाम्रा सुरक्षकर्मीहरु अर्थात नेपाल प्रहरी, सशस्त्र प्रहरी लगायतका सुरक्षाकर्मीहरुलाई अझ मजबुत बनाउनुपर्ने आवश्यकता देखिएको छ ।

हामीलाई सुरक्षित क्वारेन्टाईनमा बसाउन आफै सडकमा उत्रेका हाम्रा वीर सुरक्षाकर्मीहरुलाई पनि ज्यानको डर छ । ज्यान भन्दा पनि ठुलो केही छ त ? सरकारले चाहे, राज्यले चाहे कुनै ठुलो कुरा होइनन र तर हामी आम नागरिकलाई सुरक्षा दिन आफ्नो ज्यानको बाजी लगाउने सुरक्षाकर्मीहरुको बारेमा एक पटक सोच्ने हो की होइन सरकार ?

लकडाउनमा विभिन्न ठाउँबाट आउने सर्वसाधारणहरुलाई चेकजाँचको जिम्मा पनि त सुरक्षाकर्मीहरुलाई नै छ । अब यत्रो ठुलो जँगमा, लडाइमा विना हतियारको हाम्रा सुरक्षाकर्मी कति बेरसम्म लडन सक्छ त सरकार ?

उनीहरुको पनि बालबच्चा, परिवार प्रतीक्षामा छन् अहिले । देश विपदको घडीमा छ, हामी संकटमा छौं, तर पनि सुरक्षित छौं त्यो देन हाम्रा सुरक्षाकर्मीको हो । जो आफू ज्यानको बाजी लगाएर हामीलाई अझै सुरक्षित राखेको छ , तर कति दिनसम्म ? विना हतियारको कति दिनसम्म ?

जहाँ अस्पतालबाट कोरोनाको नाम सुन्ने वित्तिकै चिकित्सक भाग्न सुरु गरेको छ । त्यहाँ कोरोनासँग पनि लडन, विना हतियारको लडन साहसी काम हाम्रा सुरक्षाकर्मी नै देखाएको छ । लकडाउन गर्ने नाम सरकारको मात्र हो, वास्तविकता लकडाउन त सुरक्षाकर्मीले गरेको छ ।

लकडाउन सबैको लागि होइन र सरकार ? सुरक्षाकर्मीहरुलाई पनि होम क्वारेन्टाइनमा बस्ने अधिकार हो । तर, तपाईको आज्ञाको पालनभन्दा पनि देशको रक्षा, आम नागरिकको सुरक्षाको लागि परिवारिक मोह माया त्यागेर भोकभोकै सडकमा डुल्न बाध्य भएका छन् ।

सरकार, सुरक्षाकर्मीलाई पनि सुरक्षा चाहिएको छ । हतियार चाहिएको छ । कोरोना जस्तो महामारी भाइरसबाट बच्नको लागि उनीहरुलाई पिपिइ वा अन्य सुरक्षा चाहिएको छ । बाहिरबाट आउने सर्वसाधारण सबै साधारण हुन सक्दैन यस्तो घडीमा । तर, सुरक्षाकर्मी त्यतिकै उनीहरुसँग सोधपुछ गर्न, पक्राउ गर्न बाध्य भएको छ तपाईको आज्ञाको पालन गर्न ।

प्रदेश सरकार, संघीय सरकार भन्दा पनि राज्यले सुरक्षाकर्मी, चिकित्सकहरुको सुरक्षा दिन कुनै कसर बाँकी राख्नुपर्दैन् । उनीहरु अहिले देशका मुख्य पीलर हुन् । आज तपाई जस्ता मन्त्री, सन्त्रीहरु सडकमा साईरन बजाएर निर्वाध घुम्न पाएको छ भने त्यो देन सुरक्षाकर्मीको हो ।

हुनतः उनीहरुको डयुटि नै हो सुरक्षा दिने तर उनीहरुको पनि सुरक्षाको प्रत्याभूति हुनुपर्छ । जति सक्दो चाँडै सुरक्षाकर्मीहरुको लागि सुरक्षाको विशेष व्यवस्था गर सरकार । उनीहरुलाई भावनात्मक चाउचाउ, विस्कुट वा एक छाकको सडकमै खाना भन्दा पनि सुरक्षाको आवश्यकता छ ।

लडाइमा विना हतियारको कति बेरसम्म सीपाही टिक्न सक्छ यो राज्यले पनि बुझनुपर्छ । कोरोनाको महामारीमा यसबाट बच्न उनीहरुको लागि विशेष प्याकेज यथाशिघ्र ल्याउनुपर्छ । सुरक्षा पोशाक सहित अन्य जे जति आवश्यक छ ती सबै अहिले नै उपलब्ध गराउ सरकार ।

यति याद गर, हाम्रा देशका सीपाही देशको मुख्य पीलर हो, पीलर नै ढलेपछि त्यसमा किचिने हामी सबै हो । सडकमा दुई चार सीपाही मात्र ढले अन्य सीपाही सडकमा कति बेरसम्म खडा भएर चेकजाँच, सुरक्षा दिन सक्छ यस्तो परिस्थितिमा त्यो अनुमान लगाउन सकिन्छ ।

सरकारले ५० करोड, प्रदेश सरकार २५ करोड लगायत कैयौं कोष खडा भईसकेको छ तर, प्रहरीको सुरक्षामा ध्यान चाँडै गएन भने कोष यथावत रहनेछ र स्थिति भयावह हुनेछ । अमेरिका, इटली जस्ता समृत र बलियो देश आत्मसमर्पण तर्फ गएको देखिएको छ ।

लकडाउनको भगवान भनेको हाम्रा सुरक्षाकर्मीहरु हुन् । जो आफ्नो डयुटीबाट भागेर होइन डटेर सामना गर्न तम्तयार छन् । न्यूज ब्यूरो हाम्रा देशका सुरक्षाकर्मीलाई सलाम गर्छ । सलाम गर्छ, सलाम गर्छ । जय नेपाल, जय सुरक्षाकर्मी ।