लकडाउनमा विपन्नलाई खाना दिन स्थानीय तहलाई सरकारको निर्देशन

न्यूज ब्यूरो, काठमाडौं । सरकारले लकडाउनको कारण दैनिक गुजारा चलाउन समस्या परेका व्यक्तिहरुलाई खानाको उचित व्यवस्थापन गर्न स्थानीय तहलाई निर्देशन दिएको छ ।

कोभिड १९ रोकथाम, नियन्त्रण तथा उपचार उच्च स्तरीय समन्वय समितिको आज भएको बैठकले दैनिक गुजारा चलाउन समस्या परेका व्यक्तिहरुको पहिचान गरी व्यवस्थापन गर्न निर्देशन दिएको हो ।

विभिन्न तहबाट विपन्न वर्गलाई लकडाउनका कारण दैनिक गुजारा चलाउन अफ्ठेरो भएको रिपोर्ट आएपछि सरकारले यस्तो निर्णय गरेको हो ।