लकडाउनको तेश्रो दिन : जनकपुरबाट २२ गाडी नियन्त्रणमा

न्यूज ब्यूरो, जनकपुरधाम । लकडाउनको तेश्रो दिन जनकपुरबाट २२ वटा सवारी साधन प्रहरीले नियन्त्रणमा लिएको छ ।

जिल्ला प्रहरीले कार्यालय धनुषाले जनाएअनुसार, आज विहानदेखि ५ बजेसम्म २० वटा मोटरसाइकल र २ वटा अटो नियन्त्रणमा लिइएको हो ।

लकडाउन उल्लंघन गर्दै सवारीसाधन चलाइरहेको अवस्थामा उनीहरुलाई पक्राउ गरिएको धनुषाका प्रहरी प्रवक्ता तथा डिएसपी रामेश्वर कार्कीले न्यूज ब्यूरोलाई जानकारी दिए ।

विनाकाम सडममा देखिएको केही सर्वसाधारणलाई सम्झाएर घर पठाएको उनले जनाए । जनकपुरबाट मंगलबार चारसय जति बुधबार एकसय जति सवारीसाधण नियन्त्रणमा लिइएको थियो ।