कोरोना संक्रमित युवतीसँग नेपाल आएकाहरुको खोजी थालियो

न्यूज ब्यूरो, काठमाडौं । नेपालमा कोरोना संक्रमित युवतीसँग चैत ४ मा कतार एयरको फ्लाइट नम्बर ब्यूआर ६५२ विमानमाफृत नेपाल आएका १०५ यात्रुको खोजी सुरु भएको छ ।

फ्रान्सको पेरिसबाट कतारको दोहा हुँदै काठमाडौँ आएकी १९ वर्षीया युवतीमा कोरोना संक्रमण देखिएपछि अन्य यात्रुको खोजी सुरु भएको हो । प्रहरीले अध्यागमन विभाग र स्वास्थ्य डेस्कबाट विमानमा सवार यात्रुहरुको विवरण झिकाएर खोजी सुरु गरिएको प्रहरीका केन्द्रीय प्रवक्ता शैलेश थापा क्षेत्रीले बताए । केही यात्रु आफै सम्पर्कमा आइसकेको क्षेत्रीको दावी छ ।

प्रहरीको सम्पर्कमा आएका यात्रुहरुलाई क्वारेन्टाइनमा राख्ने तयारी भइरहेको छ ।