जनमत पार्टीद्धारा सप्तरीमा मास्क वितरण

न्यूज ब्यूरो, सप्तरी । जनमत पार्टीद्धारा सप्तरीमा मास्क वितरण गरिएको छ ।

विश्व महामारीको रुपमा फैलिँदै गएको कोरोना भाइरस (कोभिड १९) संक्रमण हुनबाट जोगिन मास्क वितरण गरिएको हो । जनमत पार्टीले सप्तरीको बोदेबर्साइन नगरपालिका १ मा मास्क बाँडेको छ ।

कोरोना भाइरस व्यक्तिदेखि व्यक्तिमा सर्ने अधिकतर जोखिमयुक्त भएको अध्ययनहरुले देखाएका छन् । हाल नेपालमा पनि यो भाइरसको रोकथामको प्रयास भैरहेका छन्, जसको लागि नेपाल सरकार तथा नागरिकहरु एवं जिम्मेवार निकायहरुले प्रयास गरिरहेका छन् ।

जनमत पार्टीले पनि कोरोना भाइरस फैलिन नदिन आमनागरिकहरुलाई नाकमुख ढाक्न मास्क वितरण गरेको जनमत पार्टीका आलोक यादवले बताए ।