जनकपुरको फुटपाथ खाली गराइदै

न्यूज ब्यूरो, जनकपुरधाम । जनकपुरधाम उपमहानगरपालिकाले सडक छेउछाउ खाली गराउन लागेको छ ।

जनकपुरको नगरभित्रको विभिन्न सडकहरुमा अतिक्रमण गरी पसल सँचालन गरिएकाहरुलाई खाली गराइदैछ । नगरपालिकाको सहयोग र ट्राफिक प्रहरी धनुषाको समन्वयमा फुटपाथ खाली गराउने कार्य भईरहेको छ ।

सोही क्रममा जनकपुरको हस्पिटल रोडमा अहिले फुटपाथ खाली गराउने कार्य भईरहेको छ । नीजि जग्गा भन्दा सडकमा पसल, ठेला सँचालन गरेका व्यापारीहरुको समान खोस्ने क्रम जारी छ ।

सडकमै अनाधिकृत रुपमा पसल थापेर, ठेला थापेर बसेका कारण अस्पताल जस्तो संवेदनशिल सडकमा सधै ट्राफिक जाम भएको कारण सो गर्न लागिएको जिल्ला टरा्फिक प्रहरी कार्यालय धनुषाले जनाएको छ ।

जानकी मन्दिरदेखि रामानन्दचोकसम्मको सडकमा सँचालनमा रहेको पसल वा लगाइएको ठेलालाई नगरापालिकाले जफत गरको छ । राजदेवी मन्दिर पछाडी, जानकी मन्दिर, हस्पिटल रोड, रामानन्दचोक देखि आँखा अस्पताल सम्म सडकमा लगाएको पसलको समाग्रीहरु जफत गरिएको जनाइएको छ ।

यसअभि नै प्रहरी र नगरपालिकाले सडकमा कुनै प्रकारको जाम नगर्न आग्रह गरेपनि अनाधिकृत रुपमा जाम पारेपछि विरामीलाई अस्पताल लग्न सास्ती भइरहेको भन्दै सो कदम चालेको बताईएको छ ।

सडक पेटीमै ठेला सँचालन, पसल सँचालन गरेको कारण आम सर्वसाधारणलाई आवतजावत गर्न कठिनाई भईरहेको बेला जनकपुरधाम उपमहानगरपालिकाले उठाएको कदमलाई सराहना गरिएको छ ।