डा. बाबुराम भट्टराईले लेखे–“मधेश–प्रदेश क्यो नही ?”

न्यूज ब्यूरो, जनकपुरधाम । पूर्व प्रधानमन्त्री एवम् संघीय समाजवादी पार्टीका नेता डा. बाबुराम भट्टराईले प्रदेश नामाकरण विवादमा आपत्ति जनाएका छन् ।

मँगलबार अबेर रातीसम्म प्रदेश नं. २ को नाम र स्थायी राजधानीबारे टुँगो लगाउन नसकेपछि डा. भट्टराईले मधेश प्रदेश किन नराख्ने भनेर प्रश्न गरेका छन् ।

आज विहानै आफ्नो अधिकारिक टवीटरमा उनले लेखको छन् – जब ‘मधेसी’पहिचान नेपालके संविधानमें स्वीकार किया गया है तो २ नं प्रदेशका नाम ‘मधेस प्रदेश’क्यों नहीं हो सकता ? हमारे पूर्व माओवादी कमरेडो मातृका यादव,प्रभु साह, भरत साह कहाँ हैं ? और पूर्व नयाँ शक्तिवाले मित्रों रामचन्द्र झा,रामकुमार शर्मा,महेन्द्र पासवान कहाँ हैं ? कुछ तो शरम करो यारो ।”

मधेश प्रदेशको लागि नेकपाले साथ नदिएपछि डा. भट्टराईले पूर्व माओवादीका मातृका प्रसाद यादव, प्रभू साह, भरत साह सहित नयाँ शक्तिका रामचन्द्र झा, राम कुमार शर्मा, महेन्द्र पासवानप्रति लज्जास्पद वोध गरेका छन् ।

प्रदेश नं. २ मा ४ दलले ४ नाम प्रस्ताव गरेको थियो । जसमा नेकपाले जानकी प्रदेश, काँग्रेसले मिथिला–भोजपुरा प्रदेश, सत्तापक्षकै केहीले मध्य–मधेश प्रदेश तथा समाजवादी र राजपाले मधेश प्रदेशको प्रस्ताव गरेका थिए ।

जसमा जानकी प्रदेशमा ३७ मत, मिथिला भोजपुरामा २८ मत, मध्य मधेशमा ४२ तथा मधेश प्रदेशमा ६० मत खसेको थियो । दुई तिहाई बहुमतको लागि ७२ मतको आवश्यकता थियो ।