कोरोना त्रास : एसईई परीक्षामा विशेष सावधानी

न्यूज ब्यूरो, जनकपुरधाम । कोरोना भाइरस संक्रमणबाट जोगिन तथा सहज रूपमा विद्यार्थीलाई एसईई परीक्षा दिने प्रबन्ध मिलाउन परीक्षा केन्द्रमा विशेष सावधानी अपनाइने भएको छ ।

झण्डै पाँच लाख विद्यार्थी सहभागी हुने तथा लाखौँ अभिभावकको चासो हुने एसईईका विद्यार्थीलाई मानसिक रूपमा परीक्षाका लागि तयार पार्न पूर्णसरसफाई, विद्यार्थीको स्वास्थ्य परीक्षण, परीक्षामा अनावश्यक भीडभाड हुन नदिने लगायतका योजना कार्यान्वयन गर्ने तयारीमा परीक्षा केन्द्र जुटेको बताइएको छ ।

चैत्त ६ गतेबाट सञ्चालन हुन लागेको माध्यमिक शिक्षा परिक्षा (एसईई) मा यसपालि प्रदेश २ बाट ७२ हजार ८ सय ३९ परीक्षार्थी सहभागी हुँदैछन् । कोरोना भाइरसको डरले विश्व त्रसित बनिरहँदा नेपालमा सतर्कता हेतु एसईई परीक्षामा सावधानी अपनाइने भएको हो ।