धनुषा प्रहरीद्धारा अवैध मदिरा नष्ट

न्यूज ब्यूरो, धनुषा । धनुषा प्रहरीले अवैध मदिर नष्ट तथा मदिरा बनाउने सामाग्री जफत गरेको छ ।

ईलाका प्रहारी कार्यालय महेन्द्रनगर, प्रहरी चौकी लक्ष्मिनीया र प्रहरी चौकी बट्टेश्वरबाट खटिएको प्रहरी टोलीले क्षिरेश्वरनाथ नगरपालिका, लक्ष्मिनीया गाउपालिका र बट्टेश्वर गाउपालिकाको विभिन्न स्थानमा रहेका अवैध रुपमा सञ्चालनमा रहेका घरेलु मदिरा भट्टीहरुमा छापा हानेका हुन् । छापाको क्रममा प्रहरीले मदिरा अवैध मदिरा नष्ट गरेका हुन् ।

प्रहरीले मदिरा बनाउन तयार गर्न राखिएको कच्चा पदार्थ ५ सय लिटर र तयारी मदिरा २ सय लिटर नष्ट गर्नुका साथै मदिरा बनाउने मेसिन थान १, कच्चा पदार्थ राख्ने खाली ड्रम थान १९ वटा, मदिरा बनाउने भाडा सेट ११ थान, प्लाष्टिकको ग्यालिन ३३ वटा बरामद गरेको जनाएको छ ।

धनुषामा मदिरा सेवनबाट १५ जनाको मृत्यु भएपछि मदिरा नियन्त्रण अभियानलाई तीव्रता दिएको जनाइएको छ ।