मधेश सरकारद्धारा प्रहरीलाई मोटरसाईकल

न्यूज ब्यूरो, जनकपुरधाम । प्रदेश नं. २ का सरकारले सुरक्षा अवस्था चुस्त बनाउने उदेश्यले प्रहरीलाई मोटरसाईकल प्रदान गरेको छ ।

प्रदेश प्रहरीलाई साधनयुक्त बनाउन तथा प्रदेशभरिको सुरक्षा अवस्थालाई थप गुणस्तरीय बनाउनको लागि मधेश सरकारले २४ वटा मोटरसाईकल प्रहरीलाई दिएको हो ।

आज (शुक्रबार) एक कार्यक्रमबीच प्रहरीलाई सो मोटरसाईकल हस्तान्तरण गरिएको हो ।

प्रदेश सरकारका आन्तरिक मामिला तथा कानुनमन्त्री ज्ञानेन्द्र कुमार यादवले प्रदेश नं. २ का प्रहरी प्रमुख (डिआईजी) प्रदुम्न कार्कीलाई २४ वटा साँचो (चाभी, कुन्जी) बुझाउनुभएको हो ।

आवतजावत तथा आम सर्वसधारणको गुनासो र अपिललाई मध्यनजर गर्दै तीव्र गतिमा पुग्नको लागि मोटरसाईकल प्रदान गरिएको हो ।

आफ्नै प्रदेश प्रहरी राख्ने तयारीमा रहेको प्रदेश सरकारले प्रदेशकै सुरक्षा कडा पार्नको लागि प्रहरीको गस्तीको लागि मोटरसाईकल प्रदान गरिएको हो ।