सेन्चुरी बैंकद्धारा परिक्रमाका यात्रीलाई ७०० बोतल पानी वितरण

न्यूज ब्यूरो, जनकपुरधाम । नेपालकै सबभन्दा लामो पदयात्रा मानिएको माध्यमिकी परिक्रमावासीलाई सेन्चुरी बैंकले पानी वितरण गरेको छ ।

धनुषाको क्षिरेश्वरनाथ नगरपालिका वडा नं. ५ महेन्द्रनगर स्थित सेन्चुरी कमर्सियल बैंकले संस्थागत समाजिक उतरदायित्व अन्तर्गत मिथिला परिक्रमा यात्रीलाई निः शुल्क पानी बितरण गरेको हो ।

धार्मिक यात्रामा सहभागी यात्रुहरुमध्ये ७०० जनालाई ७०० बोतल पानी वितरण गरिएको शाखा प्रमुख मनोज कुमार साहले जानकारी दिनुभयो । साहका अनुसार बैंकींग कार्यका साथै समाजिक उत्तरदायित्व पनि निर्वाह गरिएको बताउनुभयो ।

वृहत्तर जनकपुर क्षेत्र विकास परिषदले परिक्रमा रोड भन्दा पनि पडाव स्थलमा मात्र पानीको व्यवस्था गरिएको भन्दै ठाउँ ठाउँमा विभिन्न संघ सँस्थाहरुले भोजन, खाजाको व्यवस्था गर्दै आएकोमा सेन्चुरी बैंकले यसपाली ७०० लिटर पानी वितरण गरेको हो ।