महेन्द्रनगर समाजद्वारा परिक्रमा यात्रीलाई भव्य स्वागत

न्यूज ब्यूरो, जनकपुरधाम । मधेश–मिथिलाको महाकुम्भ १५ दिने मध्यमा परिक्रमाका श्रद्धालुहरुलाई धनुषाको महेन्द्रनगरमा भव्य स्वागत गरिएको छ ।

आईतबार महोत्तरीको कञ्चलवनबाट प्रस्थान गरी क्षीरेश्वरनाथ नगरपालिका वडा नं. ५ महेन्द्रनगर भएर पर्वता जाने मिथिला बिहारी (राम) को डोलामा सहभागि परिक्रमाका श्रद्धालुहरुलाई स्वागत गर्दै विदाई गरिएको हो ।

परिक्रमामा श्रद्धालुहरुलाई जिल्ला समन्वय समितिका संयोजक रामदेव बनरैत, क्षीरेश्वरनाथ नगरपालिकाका नगर प्रमुख योगेन्द्र पजियार, नगर उपप्रमुख रचना श्रेष्ठ माथेमा, स्थानीय जनप्रतिनिधि, क्षीरेश्वर कन्सट्रक्सनका संचालक अनिल चौधरी लगायत स्थानीयहरुले स्वागत गरेका थिए ।

उनीहरुले श्रद्धालु साधुसन्तहरुलाई चिया, पानी, दही, च्युरा, बुनिया तरकारी खुवाएका थिए । श्रद्धालुहरुलाई चिया खाजा सहित स्वास्थ्य जाँचका पनि सेवा पनि प्रदान गरेका छन् ।

साथै परिक्रममा सहभागि साधु सन्तहरुहरुलाई चौधरीले दक्षिणा समेत प्रदान गरेका थिए ।