परिक्रमाका यात्रीको लागि बजरँगको सरसफाई

न्यूज ब्यूरो, जनकपुरधाम । मधेशको महाकुम्भ मानिने मिथिला परिक्रमा ९ औ दिन पर्वता बास बस्ने परिक्रमाको धार्मिक यात्रीलाई मध्यनजर गर्दै वृहत सरसफाई गरिएको छ ।

भोली (मँगलबार) १० औ पडाव स्थल ऐतिहासिक धनुषाधाम विश्राम लिने भएपछि धनुषाको नौसयविघाको बजरँज युवा क्लबले वृहत सरसफाई गरेको छ । धनुषाधाम जाने बाटोमा पर्ने नौसय बिघामा बृहत सरसफाइ गरिएको हो।

बजरंग युवा क्लबको अगुवाईमा सरसफाइ गरिएको हो । क्लबका अध्यक्ष रामपुकार यादवका अनुसार परिक्रमा यात्रीलाई सहजताको लागि मँगलबार राहत स्वरुप च्यूरा, मुराही (भूजा) , सरवत वितरण गर्ने कार्यक्रम रहेको छ ।

धनुषाधाम आउने भक्तजनको स्वागतको पूर्व सँध्यामा गरिएको सरसफाई कार्यक्रममा प्राविधिक संघ प्रदेश उपाध्यक्ष शंकर यादव , उमाप्रेमपुर प्रहरी चौकी, लगयत स्थानीय बुद्धिजीवी पत्रकार ,स्वास्थ्यकर्मीको , उपस्तिथि रहेको थियो ।