परिक्रमाको ९ औं पडावस्थल पर्वतामा यात्रीलाई भव्य स्वागतको तयारी

न्यूज ब्यूरो, जनकपुरधाम । परिक्रमाको धार्मिक लस्करलाई स्वागत गर्नको लागि धनुषाधाम नगरपालिका तयार बसेको छ ।

१५ दिने परिक्रममो ९ औं पडावस्थल अर्थात विश्रामस्थल धनुषाको पर्वतामा परिक्रमावासीलाई भव्य स्वागतको लागि तयार रहेको बताईएको छ । सोही क्रममा आईतबार बृहत सरसफाई गरिएको छ ।

परिक्रमवासीको स्वागतको लागि एक दिन अगावै वृहत सरसफाई गरिएको हो । धनुषाधाम नगरपालिकाको वडा नं. ५ पर्ने पर्वतामा वडाध्यक्ष ईन्द्र कुमार महतोको अगुवाईमा वृहत सरसफाई गरिएको हो ।

परिक्रमाका धार्मिक यात्रीलाई कुनै प्रकारको समस्या नहोस भन्ने उदेश्यले चापाकलको व्यवस्था, बस्ने ठाउँलाई सरसफाई, पाल लगायतको व्यस्थपान गरिएको हो ।

सो सरसफाई कार्यक्रममा धनुषाधाम नगरपालिकाका मेयर बालेश्वर मण्डल, प्रहरी चौकी उमाप्रेमपुरका ईन्चार्ज विशेश्वर साह, स्वास्थ्यचौकी प्रमुख अरुण कुमार मण्डल, नेपाली काँग्रेस गाउँ सभापति जोग कुमार महतोको विशेष सहभागीता रहेको थियो ।

परिक्रमाको धार्मिक यात्रीहरुको लागि स्वास्थ्यचौकीस्वास्थ्य चौकी उमाप्रेमपुरले शिविर समेत सँचालन गर्ने कार्यक्रम रहेको जनाइएको छ ।