शहिदनगरले अब आफै परीक्षा लिने

न्यूज ब्यूरो, जनकपुरधाम । विभिन्न सयममा विभिन्न योजनाहरु ल्याएर जनतालाई लाभान्वित गर्दै आएको धनुषाको शहिदनगर नगरपालिकाले अब परीक्षा पनि सँचालन गर्ने भएको छ ।

यसअघि जिल्ला स्तरबाट समुदायिक (सरकारी) विद्यालयहरुमा परीक्षा सँचालन हुँदै आएकोमा यसपालीदेखि नगरपालिकाको कार्यालयले स्वयंम परीक्षा सँचालन गर्ने निर्णय गरेको हो । त्यसको लागि नगर शिक्ष समितिको मातहतमा नगरस्तरीय परीक्षा समिति समेत गठन गरिएको छ ।

विहिबार बसेको बैठकबाट उक्त समिति गठन गरिएको हो । नगर शिक्षा शाखामा नगर शिक्षा संयोजक रामरतन पासवानको अध्यक्षतामा बसेको बैठकबाट ७ सदस्यीय नगर परीक्षा व्यवस्थापन समिति गठन गरिएको हो ।

नव गठित परीक्षा समितिको सँयोजकमा श्रीप्रसाद गोहिबारलाई चयन गरिएको छ । भने सदस्यहरुमा श्रीकृष्ण भिनवार, मोहन यादव, चन्दरलाल यादव, अनिता कुमारी यादव, राजदेव ठाकुर र इन्द्रनारायण यादव लगायतका रहेका छन् ।

नगर परीक्षा समितिले अब स्व्यमं प्रश्नपत्र बनाउने अधिकार प्राप्त गरेको छ । यसअघि जिल्लास्तरबाट प्रश्नपत्रहरु आउँदै गरेकोमा अब शहिदनगर नगरपालिकाले विद्यार्थीहरुको लागि त्यही प्रश्नपत्र बनाउने भएको छ । कक्षा १ देखि १० सम्मको प्रश्नपत्र बनाई परीक्षा लिने नगरपालिकाका नगर प्रमुख उदय कुमार बरबरिया (यादव) ले जानकारी दिनुभयो ।

उक्त बैठकमा नगर शिक्षा अधिकृत धिरेन्द्रलाल कर्ण, नगर शिक्षा समिति सदस्य राज कुमार कर्माचार्य र प्रदीप कुमार साह ,वडाध्यक्षहरु तेजीलाल यादव, जैसीलाल भिनवार , रामएकवाल मण्डल लगायत नगरभित्र सञ्चालित विद्यालयका प्रधानाध्यापकहरुको समेत उपस्थिति रहको थियो ।