भावुक हुँदै एक वृद्धले भने – “मेयर साहबको जय होस्”

न्यूज ब्यूरो, जनकपुरधाम । धनुषाको धनुषाधाम नगरपालिकाले २ सय ५१ जनाको निःशुल्क अपरेशन (शल्यक्रिया) गरेपछि एक वृद्ध भावुक भए ।

नगरपालिकाले आयोजना गरेको दुई दिने निःशुल्क आँखा शिविरमा करिब ९ सय ५० बिरामी चेक जाँच गराउन सहभागी भएको थियो । सो क्रममा अपरेशन गर्नुपर्ने अवस्था भने २ सय ५१ जनामा फेला परेको र उनीहरुलाई धनुषाधाम नगरपालिकाका मेयर बालेश्वर मण्डलको विशेष पहलमा निःशुल्क अपरेशन गरेपछि एक आँखाका विरामी भावुक भए ।

अप्रेशन गरिएको आँखाको बिरामीहरुलाई न्यानो माया स्वरुप ब्लान्केट समेत वितरण गरिएको थियो ।

उक्त शिविरमा आँखा बिरामी सहभागी पूर्व उमाप्रेमपुर गाविस अध्यक्ष गंगाई महतोले भन्नुभयो– “ आँखा मानवको संसार हो , हाम्रा मेयरले यस्तो बुढापाखा गरिब धनिक सबैको साहारा बन्नुभएको छ आज । आँखा अप्रेसन गराउन निशुल्क आँखा शिविर संचालन गराएकोमा धन्यवाद दिन्छौ , हामी शिविरमा सहभागी भइ एक्दम्मै खुसी भएका छौ । मेयरको जय होस् ।”

उक्त शिविरमा शल्यक्रिया गर्नुपर्ने बिरामिलाई ल्याब जाँच गरि अपरेशन गर्नुपर्ने फेला परेका बिरामी प्राथमिक स्वस्थ्य केन्द्र धनुषाधाममा १ सय ६८ जना त्यस्तै मुलावारिमा ८३ जना गरी जम्मा २ सय ५१ जना बिरामीको निःशुल्क अपरेशन गरिएको हो ।

मेयर मण्डलका अनुसार, अप्रेशन गराउनु पर्ने बिरामीलाई निशुल्क औषधि , बिरामीको घरबाट अस्पताल सम्म गाडी समेत ब्यवस्था गरिएको नगर स्वास्थ्य संयोजक शैलेन्द्र यादवले जानकारी दिनुभयो ।

उक्त शिविर धनुषाधाम नगरपालिकाको आर्थिक सहयोग एवं सागरमाथा चौधरी आँखा अस्पताल प्राबधिक सहयोगमा शिबिर गरिएको थियो ।

निशुल्क आँखा शिविरमा सम्पुर्ण नागरिकमा जनप्रतिनिधि लगायत विभिन्न सुचना सम्प्रेषण गरि सहभागी गराएको जनाउँदै मेयर मण्डलले शिविरको लागि विभिन्न सहयोग नगरपालिकाबाट गरिएको बताउनुभयो ।

शिविरमा नगरपालिकाका कर्मचारी ,जनशक्ति ,नगरपालिका भित्रका स्वास्थ्य कर्मीको सहयोग र आँखा अस्पतालको टोलिको सहयोगमा कार्यक्रम गरिएको तथा आउने दिनमा अझै यस्ता योजनाहरु राख्ने धनुषाधाम नगरपालिकाका प्रमुख प्रशाकिय अधिकृत गनेशराज कार्कीले बताउनुभयो ।