बलात्कार मुद्दामा महराले अदालतबाट पाए सफाई

न्यूज ब्यूरो, काठमान्डौं । निवर्तमान सभामुख कृष्ण बहादुर महरालाई काठमाडौं जिल्ला अदालतले सफाई दिएको छ ।

बलात्कार उद्योगको मुद्दामा उनलाई सोमबार (आज) जिल्ला अदालतले सफाइ दिएको हो । जिल्ला अदालतका न्यायाधीश अमरराज पौडेलको इजलासले उनलाई सफाइ दिएको हो ।

सं‌सद सचिवालयकी कर्मचारीलाई बलात्‍कार प्रयास गरेको आरोपमा महरामाथि मुद्दा लागेको थियो । यसअघि काठमाडौं जिल्‍ला अदालतले महरालाई कसूरदार होइन भन्न नसकिने भन्दै पुर्पक्षका लागि थुनामा पठाएको थियो ।

आफूमाथि अभियोग लागेपछि महराले सभामुख पदबाट राजीनामा दिएका थिए । महराले घटनामा आफ्नो संलग्नता अस्वीकार गर्दै आएका थिए । (अनलाईनखवरको सहयोगमा)