जनकपुरः मोटरसाईकल एकदम स्पीड थियो, त्यतिकैमा...

न्यूज ब्यूरो, जनकपुरधाम । धनुषामा मोटरसाईकल दुर्घटना हुँदा एक युवकको घटनास्थलमै मृत्यू भएको छ भने अन्य २ जना गम्भिर घाईते भएका छन् ।

धनुषाको जनकपुर–यदुकोहा सडक खण्डमा मोटरसाइकल आपसमा ठोक्किदा १ जनाको घटना स्थलमै मृत्यू भएको छ भने २ जना गम्भीर घाइते भएको हो ।

शनिबार (आज) बेलुका करिब ४ बजेको समयमा धनुषाको मोरहा नजिक हनुमान मन्दिर देखी करिब २ सय मिटर पूर्वमा दुर्घटना भएको हो । पुर्वतिरबाट जनकपुर तर्फ आउँदै गरेको ज ११ प ६३९० र जनकपुरबाट यदुकूहा तर्फ गईरहेको ज १० प २९७७ नम्बरको मोटरसाइकल एक आपसमा ठोकिदा दुर्घटना भएको हो ।

सो दुर्घटनामा परी हँसपुर नगरपालिका वडा नं ६ सोनिगमाका २० वर्षीय नवीन राय रहेका छन् भने घाइतेमा औरही गाउँपालिका १ औरही झिटकोहियाका अन्दाजी २५ वर्षीय ईनर मंडल र हँसपुर नगरपालिका ६ सोनिगामा निवासी २२ वर्षीय संजय मुखिया रहेका छन् ।

हनुमान मन्दिर नजिक भएको सो दुर्घटना अघि मृतक राय होण्ड साईन मोटरसाईकलमा सवार थिए । सो मोटरसाईकलमा २ जना सवारमध्ये एक जनाको घटनास्थलमै मृत्यू भएको तथा अर्को डिस्कभर मोटरसाईकलमा एक्लै सवार ईनर मण्डल भने गम्भिर घाईते भएका छन् । उनीहरुलाई बलगँगा चौकमा घरबाट माछा किन्न बजार आउँदै थिए ।

घाईतेहरुको उपचारका लागि जनकपुर स्थित प्रादेशिक अस्पतालमा पठाइएको ईलाका प्रहरी औरहीले जनाइएको छ । यता, ईलाका प्रहरी कार्यालय कपिलेश्वरका अनुसार प्रहरी पुगेपछि मृतक तथा घाईतेहरुलाई स्थानीयहरुले अस्तपताल लगिसेको थियो भने मोटरसाईकल मात्र चौकीमा ल्याएको बताए ।