धुनषाधाममा फागुन १ गतेखि दादुरा–रुबेला खोप

न्यूज ब्यूरो, धनुषा । नेपाल सरकारले देशभर सञ्चालन गरेको राष्ट्रिय दादुरा–रुबेला खोप अभियान कार्यक्रम अन्तर्गत धनुषाधाममा अभिमुखिकरण गरिएको छ ।

धनुषाधाम नगरपालिकास्थित सोमबार उमाप्रेमपुर स्वास्थ चौकीमा वडा स्तरिय अभिमुखिकरण गरिएको हो । सो कार्यक्रम अन्तर्गत धनुषाधाम वडा ५ र ६ मा फागुन १ गतेदेखि कार्यक्रम सञ्चालन गरिने स्वास्थ्य चौकी प्रमुख अरुण कुमार मण्डलले जानकारी दिए ।

शिविरमा नौ महिनादेखि ५ बर्ष मुनीका बालबालिकालाई दादुरा–रुबेलाविरुद्धको खोप लगाइनेछ । यस अभियानलाई स्थानीय सरकार, शिक्षक बुद्धिजिवी र सबै सरोकारवाला तथा आमाहरुले महाअभियानका रुपमा लिएर सक्रिय सहभागिता जनाइदिन नगर स्वास्थ्य संयोजक शैलेन्द्र यादवले आग्रह गरे ।

अभिमुखिकरण कार्यक्रममा वडा ६ का वडाध्यक्ष बन्दे लामा, वडा सदस्यहरु प्रीतपुर पर्वताका प्रअ जागेश्वर साह, निमावि नौसयका प्रतिनीधि सोगारथ मण्डल, साविक वडाका स्वंसेविका लगायत स्वास्थय चौकिका कर्मचारीहरुको उपस्थिति थियो ।