सिजे साह बचाउ अभियानः जानकी सेवा समाजद्धारा आर्थिक सहयोग

न्यूज ब्यूरो, जनकपुरधाम । मुटु रोगले ग्रसित धनुषाका सिजे साह बचाउ अभियानमा विभिन्न संघ सँस्थाहरुले सहयोग क्रम जारी राखेको छ ।

धनुषाको मिथिला नगरपालिका वडा नं. ३ हरिहरपुर बस्ने अन्दाजी बर्ष ३२ का सिजे साह अहिले काठमान्डौंको एक हस्पिटलमा उपचारार्थ रहेका छन् । न्यूज ब्यूरोमा समाचार प्रकाशन प्रकाशित भएपछि विभिन्न संघ सँस्थाहरुले उनको बचाउको लागि अग्रसर भएको छ ।

अस्पतालले उनलाई बचाउन ५ लाख रुपैयाँ आवश्कता बताएपछि उनको बचाउको लागि अभियान समेत सँचालन गरिएको हो । सोही क्रममा धनुषाको जय माँ जानकी समाज सेवा नामक सँस्थाले उनको परिवारलाई आर्थिक सहयोग गरेको छ । सिजे साहलाई बचाउको लागि चाहिने रकमको लागि समाजले १० हजार ५५ रुपैयाँ सहयोग गरेको हो ।

अहिले सिजे साह काठमान्डौंको बाँसबारी स्थित मनमोहन हस्पिटलमा उपचाररार्थ रहेकोमा उनलाई १ लाख रुपैयाँ अस्तपालले नै छुट गर्ने भएपछि उनलाई अझै ४ लाख रुपैयाँको आवश्यकता रहेको छ । समाजका उन्देश्वर रायको उपस्थितिमा सिजेकी श्रीमतिलाई उक्त रकम सहयोग गरिएको हो ।

सो अभियानमा सँस्थाको नेपालका लागि सचिव निकेत झा तथा सउदीका उपाध्यक्ष किसुनदेव मण्डलको विशेष उपस्थितिमा तथा स्थानीय, पत्रकारको रोहबरमा रकम सहयोग गरिएको हो । न्यूज ब्यूरोको तर्फबाट संवाददाता शंकर प्रसाद यादवले सिजे साह बचाउ अभियानको बारेमा प्रष्टयाएका थिए ।

सिजेलाई बचाउनको लागि चाहिने आर्थिक सहयोग संकलन अभियानमा उनकी श्रीमति समता देवी साहको नाममा बैँक खाता समेत सँचालन गरिएको हो । बैंक खाताको विस्तृत यस प्रकार सार्वजनिक गरिएको छ ।

CIVIL BANK LTD

Account Number : 07910359686015

Account Name : Samata devi sah

Branch : Dhalkewar