साहको रिहाई माग गर्दै आज युवाहरु जनकपुरमा टायर बाल्ने !

न्यूज ब्यूरो, जनकपुरधाम । जनकपुर उद्योग वाणिज्य संघका पदाधिकारी धमेन्द्र साहको रिहाई माग गर्दै युवाहरुले आज जनकपुर तताउने भएको छ ।

विहान ११ बजे जनकपुरको जनकचोकमा साहको रिहाईको लागि दबाब दिँदै आन्दोलन स्वरुप सडकमा टायर बाल्ने भएको छ । गत पुस २२ गते जनकपुरधाम उपमहानगरपालिकाका मेयर लालकिशोर साहको कार्यकक्षमा पत्रकारहरु उपर भएको कुटपिट तथा दुरव्यवहारको घटनामा जाहेरीको आधारमा साहलाई पक्राउ गरेपछि युवाहरु विरोधमा उत्रेका छन् ।

पत्रकाहरुको समाग्री तोडफोड गरी खासेको, पत्रकारहरुलाई कुटपिट गरेको भन्दै नेपाल पत्रकार महासंघ धनुषा शाखाका अध्यक्ष अनिल मिश्रको जाहेरीको आधारमा धर्मेन्द्र साहलाई आईतबार साँझ पक्राउ गरेको हो । जिल्ला प्रहरी कार्यालय धनुषाको टोली उनलाई पक्राउ गरेको हो ।

यो पनि पढनुहोस् : जनकपुरः मिश्रको जाहेरीले साह पक्राउ

सो घटनालाई आधार बनाएर मिश्रले धर्मेन्द्र साह, उपेन्द्र साह, अरुण साह र बज्रकिशोर सिँह उपर किटानी जाहेरी दिएपछि पक्राउ गरिएको हो । आईतबार नै पक्राउ गरिएका साहलाई रिहाईको माग गर्दै राजपाका नेताहरु सहित जनकपुरका मेयरको टोली समेत जिल्ला प्रहरी कार्यालय धनुषा पुगेको थियो ।

साहलाई जिल्ला प्रशासन कार्यालय धनुषाबाट एक दिनको म्याद थप गरी अनुसन्धानको क्रममा राखिएको हो । आज उनको रिहाई हुने भनिएपनि प्रशासनले पुनः म्याद थप्ने बहाना बनाउने भन्दै युवाहरुले साहको रिहाईको माग गर्दै आन्दोलनको घोषणा गरेको छ ।

साहको रिहाईको माग गर्दै जनकपुर उद्योग बाणिज्य सधैं, राजपा नेपाल जिल्ला कार्य समिति र जनकपुरका विभिन्न युवा कमिटिहरु समेत आन्दोलनमा समर्थन जनाएको बताइएको छ । विहान ११ बजे जनकपुरको जनकचोकमा प्रदर्शन गर्दै टायर बाल्ने बताइएको छ ।

यसअघि, पक्राउ परेका साहले पत्रकार र मेयर काण्डमा आफ्नो कुनै संलग्नता नरहेको प्रतिक्रिया दिँदै आएको छ ।