आरक्षण खारेजको विरोध गर्दा विद्यार्थी नेताहरु पक्राउ

जनकपुरधाम, २७ पुस ।
इन्स्टीच्युट अफ मेडिकल आईओएम मा आरक्षणको माग गरिरहेका विद्यार्थी नेताहरुलाई प्रहरीले पक्राउ गरेको छ ।

मधेसी युथ थिँक टयान्कका सँयोजक समेत रहेका डा. विनय पँजियारको अगुवाईमा आज गएको विद्यार्थी नेताहरुको एक टोलीले डिनको कार्यालय अगाडी आरक्षण खारेजको विरोध गरिरहेको बेला पक्राउ गरिएको जनाइएको छ ।

लामो सँघर्षपछि मेडिकल क्षेत्रमा प्रदान गरिएको आरक्षण समेत खारेज गर्न खोजेको भन्दै पँजियार सहितका विद्यार्थी नेताहरुले कडा विरोध जनाएका हुन् ।
प्रदान गरिएको आरक्षण खारेज गरे झन कडा आन्दोलनको चेतावनी डा. पँजियारले सरोकारबालाहरुलाई दिएका छन् ।

डिन कार्यालयबाट पक्राउ परेका विद्यार्थी नेताहरुलाई पछि रिहा गरिएको बुझिएको छ ।
डा. पँजियारले मेडिकल शिक्षा क्षेत्रमा ४५ प्रतिशत आरक्षणको माग गर्दै कडा सँघर्ष गरेका थिए । लामो सँघर्षपछि मेडिकल क्षेत्रमा आँशिक आरक्षण भएपनि शिक्षाको हरेक क्षेत्रमा आरक्षण लागुको माग अघि सार्दै आएका छन् ।

आरक्षण प्रदान गरेको केही महिना नवित्दै आई ओ एम ले आरक्षण खारेजीको प्रक्रिया अगाडी बढाएपछि विरोधमा उत्रेका हुन् ।