कुष्ठरोग निवारण सम्बन्धी जनचेतना फैलाउने गाडीलाई मेयरको हरी झण्डी

न्यूज ब्यूरो, जनकपुरधाम । धनुषाको शहिदनगर नगरपालिकाका मेयर उदय कुमार बरबरिया (यादव) ले जनचेतनात्मक गाडीलाई हरियो (हरी) झण्डी देखाउनुभएको छ ।

आईतबार ६७ औं कुष्ठरोग उन्मुलन दिवसको अवसरमा जनचेतनात्मक सुशोभित रातो गाडीलाई हरियो झण्डी देखाएर कार्यक्रम प्रारम्भ गर्नुभएको हो । सप्ताहव्यापी रुपमा चल्ने अभियान अन्तर्गत उक्त गाडी शहिदनगर नगरपालिकाको सम्पूर्ण वडामा कुदने जनाइएको छ ।

उक्त गाड़ी एक साता सम्म टोल टोलमा पुगी कुष्ठ रोग सहित त्यसको निवारण सम्बन्धमा जनचेतना फैलाउने छ । नगरपालिकाका सम्पूर्ण स्वास्थ चौकीका प्रमुख सहित नगरपालिका कर्मचारीहरुको रोहबरमा हरियो झण्डी देखाउनुभएको हो ।

कुष्ठरोगप्रतिको नाकारात्मक सोंच, समाजको वर्तमान परिस्थिति र कुष्ठरोगकै कारण समाजबाट बहिष्कृत जस्तै बसेका त्यस्ता व्यक्तिहरुलाई समाजमा पुनः स्थापित गराउने उदेश्य हेतु सप्ताहव्यापी कार्यक्रम सुरुवात गरेको हो ।

आईतबार नगरका स्वास्थ्य समितिका पदाधिकारी, विभिन्न स्वासथ्य सँस्थाका प्रमुख, प्रबुद्ध ब्यक्ति, पत्रकार, ब्यापारी, किशान सम्मिलित ब्यक्तिहरूमाझ अन्तरक्रिया कार्यक्रमको आयोजना गरियो थियो ।

नगर प्रमुख बरबरियाको अध्यक्षता एवम कामाख्या परिवार नेपालका अध्यक्ष बिभास लाभको मुख्य आतिथ्यमा सम्पन्न उक्त अन्तरक्रियामा नगरकी उप प्रमुख शिलादेवी कापर, लालगढ़ की सामाजिक, आर्थिक पुनर्स्थापना केंद्र प्रमुख ललिता लाभ, सामाजिक अभियन्ता सुमित कर्ण, स्वास्थ शाखा प्रमुख कपिलदेव अधिकारी, स्वास्थ सह संयोजक राम सिकिल यादव, बलाबखार स्वास्थ संस्था प्रमुख तुला कृष्ण गोईत, पचरवा स्वास्थ चौकी प्रमुख फुलगेन मंडलले आफ़्नो धारणा ब्यक्त गर्नुभएको थियो ।

सो अन्तरक्रियामा निमित्त प्रमुख प्रशासकिय अधिकृत एवम् लेखापाल लोक बहादुर नेपालीले स्वागत मन्तव्य राख्नुभएको थियो । उक्त कार्यक्रममा कामाख्या परिवार नेपालका हीरा मंडल, सिद्धी पटेल, आग्रह लाभको विशेष उपस्थिति रहेको थियो ।