छोरी शिक्षा विमा सप्ताह विहिबारदेखी शुरु हुँदै, मौकाको फाईदा उठाउनुहोस्

न्यूज ब्यूरो, जनकपुरधाम। मुख्यमन्त्री बेटी पढाऊ बेटी बचाउ अभियान अन्तर्गतको छोरी विमा सप्ताह भोली विहीवार देखी आठ बटै जिल्लामा एकसात शुरु हुने भएको छ ।

अभियानको शुभारम्भ प्रदेश २ का मुख्यमन्त्री लालबाबु राउतले विरगंज को त्रियुद्ध मावि बाट गर्नु हुने छ । त्यसै गरि बाराको सिद्धेश्वर मावि कलैया, रौतहटको बाल मन्दिर गौर, सर्लाहीको इश्वरपुर नपाको कार्यालय , महोत्तरीको लचमु मावि जलेश्वर, धनुषाको लक्ष्मिनिया गाउँपालिकाको कार्यालय, सिरहाको कल्याणपुर नपा स्थित रेडक्रस भवन र सप्तरीको बोदेबरसाइन चन्द्र माविबाट एक साथ शुरु हुने भएको छ ।

यो अभियान एक महिना सम्म गाँउपालिकामा १ दिन, नगरपालिकामा २ दिन, उपमहानगरमा ३ दिन र महानगरमा ४ दिन शिविर संचालन हुने जनाइएको छ।