महानिर्देशक ढकालको इन्ट्री, महोत्तरीको ३ हेल्थ क्लिनिकमा सिलबन्दी !

न्यूज ब्यूरो, जनकपुरधाम । औषधी व्यवस्था विभागका महानिर्देशक नारायण प्रसाद ढकालको ईन्ट्री भएलगत्तै महोत्तरीको ३ हेल्थ क्लिनिकमा सिलबन्दी गरिएको छ ।

ढलालको आगमनसँगै महोत्तरीको गौशाला बजारमा गरिएको अनुगमनको क्रममा १ पोलिक्लिनिक, १ हेल्क क्लिनीकि र १ फार्मेसीमा सिलबन्दी गरिएको हो । त्यहाँ स्थित सँचालनमा रहेको गौशाला सिटि हेल्थ केयर प्रा.लि., गौशाला पोलिक्लिनिक र दिव्य हेल्थ क्लिनिकमा सिलबन्दी गरिएको हो ।

औषधी व्यवस्था विभाग शाखा कार्यालय वीरगँजका फार्मेसी नीरिक्षक डा. चन्द्रशेखर यादवको नेतृत्वमा गएको नीरिक्षण तथा अनुगमन टोलीले ती पोलिक्लिनीकहरुमा छापा हान्दै सिलबन्दी गरेको हो । अनुगमनको क्रममा दर्ता नगरी, फर्मासिस्ट बिना औषधी पसल पोलिक्लिनिकमा संचालन भएकोमा कानुन विपरित रहेको भन्दै सिलबन्दी गरिएको हो ।

अनुगमनमा तीव्रता दिएपछि महोत्तरी र सिन्धुलीको अवैद्य क्लिनीक सँचालकहरुमा भागमभाग भएको छ । अनुमगन गरिएको ३० वटा फार्मेसी, क्लिनीक, पोलिक्लिनीकहरुमा कुनैमा म्याद गुज्रेको औषधी (एक्सपायर औषधी), कुनैमा फर्मासिष्ट नै नभएको, कुनैमा म्याद नै नलागेको औषधीहरु फेला परेको टोलीका फार्मेसी नीरिक्षक दिपेन्द्र कुमार साहले जानकारी दिनुभयो ।