योग साधनबाट नाकारात्मक शक्तिको विनाश हुन्छ : बरबरिया

न्यूज ब्यूरो, जनकपुरधाम । धनुषा शहिदनगर नगरपालिकाका मेयर उदय कुमार बरबरिया (यादव) ले योग साधनबाट नाकारात्मक शक्तिको क्षय हुने गरेको जीकिर गर्नुभएको छ ।

योग समिति यदुकुहा आयुर्वेद औषधालय शहिदनगरको तेस्रो वार्षिकोत्सवको अवसरमा बोल्दै मेयर बरबरियाले योग साधनको माध्यमबाट शान्ती स्थापनाका साथै नाकारात्मक शक्ति समेत टाढा भगाउने शक्ति भएको बताउनुभयो । उहाँले आफू निर्वाचित भएको २÷३ महिनापछि नै योग भवनको लागि नयाँ सोच र नयाँ नयाँ प्रविधिको विकास गर्ने तर्फ अग्रसर भएको बताउनुभयो ।

योग समितिका अध्यक्ष सुनिल कुमार साहको अध्यक्षता एवम् नगर प्रमुख बरबरियाकै प्रमुख आतिथ्यमा सम्पन्न भएको तेस्रो वार्षिकोत्सवमा बरबरियाले प्रदेश सरकारले समेत योग शिविर विस्तार, योग साधन विस्तारको कुरा उठाएको जनाउँदै प्रदेशमै त्यसको नेतृत्व शहिदनगर नगरपालिकाले गर्ने विश्वास व्यक्त गर्नभयो । उहाँले यसको लागि सबै कर्मचारी, योग शिविरका योग गुरुले साथ दिन आग्रह गर्नुभयो ।

भिडियोमा नगर प्रमुख वक्तत्व दिँदै

“योग शिविरको माध्यमबाट नै नाकारात्मक शक्तिको विनाश हुन्छ , योग साधनबाटै हामीले शहिदनगर नगरपालिकामा बाहिरी नाकारात्मक शक्तिलाई टाढा भगाउन सकेका छौं । योगको विकाले नगर विकास पनि भईरहेकै हो । यसबाट अपराधिक क्रियाकलाप सहित नगर विकासमा समेत टेवा पुगेको छ ।”– उहाँले भन्नुभयो ।

प्रत्येक विधालयमा योग र आयुर्वेद सम्बन्धी पाठयक्रममा राखी यथाशिघ्र गर्ने एंव आयुर्वेद तथा योग सम्बन्धी कार्यक्रमलाई प्रथामिकतामा राखी शहिदनगर नगरपालिकाले कार्ययोजना बनाई कमश काम गर्दै आइरहेको तथा निकट भविष्यमा सवै योग साधकहरुसँग छलफछ गरी बृहत योग शिविर संचालन गरी आम जनतालाई स्वस्थ जिवन यापनमा सघाउने प्रतिबद्धता समेत नगर प्रमुख बरबरियाले जनाउनुभयो ।

कार्यक्रममा योग संचालक सियाराम मण्डल ,प्रदीप साह लगायत औषधालय प्रमुख अनिल कुमार झा, शिक्षा शाखाका धनेश्वर यादव, कविराज गंगा प्रसाद बिरला , वडा सदस्य उपेन्द्र ठाकुर , कविराज निरीक्षक राम छविला यादव लगायतका वक्ताहरुले योग तथा आयुर्वेद सम्बन्धी आ–आफनो तर्क राख्नुको साथै योग गुरु मनोहर साहले बर्षको एक पटक सात दिवसीय योग शिविर संचालनमा जोड दिनुभयो ।

त्यस्तै आयुर्वेद सेवा कार्यकम अन्तर्गतका एक घर ५ योग ५ जडिबुटी , प्रत्येक वडामा एक योग प्रशिक्षक एक वडा कार्यकम यथाशिघ्र संचालन गर्नुको साथै वडा अध्यक्ष नागेन्द्र प्रसाद मण्डलले महिला योग भवन आसाढ मसान्त भित्र निर्माण गरी संचालनमा ल्याउने बताउनुभयो ।