कांग्रेस सांसद शाहविरुद्ध ज्यान मार्ने उद्योगमा जाहेरी दर्ता

न्यूज ब्यूरो, काठमाडौं । नेपाली कांग्रेसका सांसद अभिषेकप्रताप शाहविरुद्ध ज्यान मार्ने उद्योगमा जाहेरी दर्ता भएको छ ।

कपिलवस्तु –३ बाट निवाचित सांसद शाहविरुद्ध राप्रपाका केन्द्रीय सदस्य तथा कलाकार श्यामकुमार मिश्राले आफ्नो ज्यान मार्ने प्रयास गरेको भन्दै इलाका प्रहरी कार्यालय कृष्णनगरमा जाहेरी दिएका हुन् । जिल्ला प्रहरी कार्यालय कपिलवस्तुका डीएसपी सुनील मल्लले शाहाविरुद्ध जाहेरी दर्ता भएको बताए ।

सांसद शाहले गत पुस ५ गते साँझ आफूलाई घरमा बोलाएर ज्यान लिने योजना बनाएको मिश्राले यसअघि सञ्चारमाध्यमसँग दावी गरेका थिए । घरमा बोलाएर सांसद शाहले गेस्ट रुममा ढोका थुनेर अन्धाधुन्ध कुटपिट गरेकोे उनको आरोप छ ।