मेयर मण्डलले वृद्धलाई कम्बल, बालबालिकालाई विस्कुट बाँडे

न्यूज ब्यूरो, जनकपुरधाम । तराई मधेशमा बढेको शितलहरलाई मध्यनजर गर्दै धनुषाको हँसपुर नगरपालिकाका मेयर रामज्ञान मण्डलले जेष्ठ नागरिकहरुलाई न्यानो कम्बल तथा बालबालिकाहरुलाई विस्कुट बाँडनुभएको छ ।

नगरका गरीब, अपाङ्ग तथा दलित बालकालिकाहरुमा विस्कुट वितरण गर्नुका साथै नगरका वृद्धवृद्धा, विपन्न व्यक्तिहरुलाई नगरमै घुमेर न्यानो कम्बल वितरण गर्नुभएको हो । धनुषा सहित तराई मधेशका जिल्लाहरुमा चिसोबाट राहत पाउनका लागि गरीब, दलित, अपांग, असहाय र अशक्तलाई एक सप्ताह अघिदेखि कम्बल वितरण गर्दै आउनु भएका मेयर मण्डलले विहिवार कम्बल तथा विस्कुट वितरण गर्नुभएको छ ।

मेयर मण्डलले नगरपालिकाको विभिन्न चौकहरुमा दाउरा वितरण गरेर आगो बाल्ने कार्य भएको छ । घरघरमै गएर वृद्ध असहाय, असक्त तथा दलितलाई कम्बल वितरण गरेको र अब बालबालिकाका लागि पनि ज्याकेट वितरण गर्ने योजना गरेको बताउनुभएको छ ।

अहिलेसम्म नगरको विभिन्न वडामा गएर एक हजार भन्दा बढी गरिब विपन्न परिवारलाई न्यानो कम्बल वितरण गरिसकेका मेयर मण्डलले बालबालिकाहरुलाई विस्कुट वितरण गर्दै केही दिनमै मोटो ज्याकेट समेत वितरण गरिने जानकारी दिनुभयो । यो वितरण कार्यक्रम अभियान अन्तर्गत गरिएको जनाइएको छ ।