विराटनगरमा लायन्सद्धारा क्यान्सर सम्बन्धि तालिम

न्यूज ब्यूरो, विराटनगर । विराटनगरमा लायन्स क्लबले क्यान्सर सम्बन्धि तालिम गराएको छ ।

क्लबले विराटनगरको कोशी हेल्थ कलेजमा सो तालिम गराएको हो । बढ्दो क्यान्सर रोगलाई नियन्त्रण गर्न सहयोग पुग्ने उद्देश्यले क्लबले आयोजना गरेको २ दिने तालिममा पचिस जनाले प्रशिक्षण लिएका छन् ।

पुस ८ र ९ गते संचालन गरिएको तालिममा रेडियसन क्यान्सर रोग विशेषज्ञ डा. रगिन कटेथले सहजिकरण गरे । विश्व र नेपालमा पनि नसर्ने रोग दिनप्रति दिन बढ्दै गएकाले नियन्त्रणको उद्देश्यले क्यान्सर बारे तालिम संचालन गरेको लायन्स क्लब मोरङका अध्यक्ष सूर्यनारायण चौधरीले बताए ।

तालिममा बच्चाको क्यान्सर, महिलाको पाठेघरमा हुने क्यान्सर, स्तन क्यान्सर, फोक्सो तथा रगतको क्यान्सर र अन्य क्यान्सरबारे प्रशिक्षण दिइएको छ । यसमा समयमै सचेत भए केही हदसम्म क्यान्सरलाई नियन्त्रण गर्न सकिने र मृत्यु दर कम हुने प्रशिक्षकले सुझाए ।

खानपानमा धुम्रपान, प्याकेटको खनेकुराहरुले क्यान्सर हुन सहयोग गरिरहेको हुनाले यस्ता बस्तु उपर समयमै सचेत हुनुपर्ने प्रशिक्षकको धारणा थियो । तालिम लिइसकेपछि अरुलाई पनि सचेत गराएर क्यान्सर न्यूनीकरणमा मद्दत पुग्ने भन्दै क्याबिनेट सचिब विकास अधिकारीले खुशी व्यक्त गरे । तालिम संचालक कलबका सचिव रोशन पौडेलले गरेका थिए ।