नेशनल प्याब्सन सिरहाको अध्यक्षमा पुनः तिवारी

न्यूज ब्यूरो, सिरहा । राष्ट्रिय निजी तथा आवासीय विद्यालय एसोसिएसन नेपालको छाता संगठन नेशनल प्याब्सन सिरहाको आठौं अधिवेशन सम्पन्न भएको छ ।

सिरहाको मिर्चैयामा अवस्थित सागरमाथा उमाविको सभाहलमा शनिबार सम्पन्न आठौं जिल्ला अधिवेशनबाट जिल्ला अध्यक्षमा पुनः प्रदिप कुमार तिवारी नै चयन भएका छन् । सागरमाथा उमाविका सञ्चालक समेत रहेका तिवारीको अध्यक्षतामा सर्वसहमतिले १५ सदस्य कार्यसमिति चयन भएको हो ।

समितिको उपाध्यक्षमा सुदिप कुमार चौधरी, सचिवमा राज कुमार सिंह, कोषाध्यक्षमा मोहम्मद मतिबुल राईन चयन भएका छन् । यस्तै, सदस्यहरुमा प्रितम सिटौला, रामचरित्र साह, उपेन्द्र यादव, उग्र नारायण यादव, कामेश्वर महतो, मनिष ठाकुर, राम उदगार महतो, लक्षमण गिरी, मदन कुमार राईलगायत थप २ जना मनोनित गर्ने गरी आगामी ३ वर्षे कार्यकालका लागि १५ सदस्य कार्यसमिति चयन गरिएको छ ।

एनप्याब्सन सिरहाका वर्तमान अध्यक्ष प्रदिप कुमार तिवारीको अध्यक्षता तथा एनप्याब्सन केन्द्रीय अध्यक्ष ऋतुराज सापकोटाको प्रमुख आतिथ्यमा सम्पन्न अधिवेशनमा प्रदेश २ का प्रदेशसभा सदस्य दिलिप कुमार साह, कल्याणपुर नगरपालिका नगरप्रमुख सुर्यनाथ मण्डल, एनप्याब्सन नेपालका निवर्तमान केन्द्रिय अध्यक्ष तथा सल्लाहकार कर्ण बहादुर शाही, एनप्याब्सन केन्द्रिय महासचिव शुभाष न्यौपाने, एनप्याब्सन केन्द्रिय उपमहासचिव पारसमणि दाहाल, शिक्षा विकास तथा समन्वय ईकाई सिरहाका प्रमुख विजय कुमार मण्डल, राष्ट्रिय परीक्षा बोर्ड लहानका प्रमुख पुष्कल खनाल, एनप्याब्सन केन्द्रिय सल्लाहकार पाण्डव हमाल, एनप्याब्सन प्रदेश २ का अध्यक्ष जय प्रकाश चौधरी लगायतको उल्लेख्नीय सहभागिता थियो ।

सम्बन्धित समाचार : एनप्याब्सन सिरहा अधिवेशन : 'निजी विद्यालयले मनोमानी शुल्क लिए खबर गर्नुस्'