सिरहामा बलात्कारपछि हत्या गरेर फरार अभियुक्त पक्राउ

न्यूज ब्यूरो, सिरहा । सिरहामा जबर्जस्ती करणी तथा कर्तव्य ज्यान मुद्दाको फरार प्रतिवादी पक्राउ परेका छन् ।

सिरहाको भगवानपुर गाउँपालिका ३ का ३८ वर्षीय अजय कुमार यादव प्रहरीले पक्राउ गरेको हो । आइतबार ११ बजेको समयमा अस्थाई प्रहरी पोष्ट भगवानपुर सिरहाबाट खटिएको गस्ती टोलीले जबर्जस्ती करणी तथा कर्तव्य ज्यान मुद्दाको फरार प्रतिवादी यादवलाई पक्राउ गरेको प्रहरीले जनाएको छ ।

उनलाई घरमा लुकीछिपि बसेको अवस्थाबाट पक्राउ गरिएको हो । पक्राउ गरिएका यादवलाई ईलाका प्रहरी कार्यालय लहानमा राखेर थप अनुसन्धान भइरहेको जिल्ला प्रहरी कार्यालय सिरहाले जनाएको छ ।