भारतीय पुश चिकित्स हत्यामा संलग्नलाई कार्वाहीको माग गर्दै विराटनगरमा जुलुस

न्यूज ब्यूरो, विराटनगर । छिमेकी राष्ट्र भारतको हैदराबादमा बलात्कार पछि जलाएर हत्या गरिएकी पशु चिकित्सक डा. प्रियंका रेड्डीको हत्या आरोपीलाई कडा कार्वाहीको माग गर्दै बिराटनगरमा मैनबत्ती जुलुस गरिएको छ ।

विराटनगरको देवकोटा चोक, ट्राफिक चोक हुदे निकालिएको जुलुस बजार परिक्रमा गरि बि प्लटमा पुगेर कोणसभामा परिणत भएको थियो।सिमाँचल मैत्री संवाद समूह,जनहित बिकास समाज,अम्बे मुरारी सेवा केन्द्र ,बृहत मधेसी नागरिक समाज र नेपाल भारत सामाजिक सांस्कृतिक मंचले संयुक्त रुपमा महिला विरुद्धको हिंसा बन्द गरि दोषीलाई हदै सम्मको कडा कार्वाहीको माग गरेको छ।

उक्त कोणसभालाई सम्बोधन गर्दै प्रदेश सभा सांसद केदार कार्कीले महिला पुरुष एक अर्काको परिपुरक हो हामी महिलालाई सम्मान गर्नुपर्ने बताउँदै आघा आकाश ढाकेको महिला प्रतिको यस्तो व्यवहार निन्दनीय रहेको बताइन् । यस प्रकारको घटना घटाउनेलाई कानुनी दायरामा ल्याउनुपर्ने माग गर्दै अधिकारकर्मीहरुले पीडितले न्याय पाउनुपर्ने जोडदार माग गरिन् ।

उनले भनिन् , हामी छोरी चेलीलाई सुरक्षित बनाउन कुनै पनि हालतमा दोषी उम्कन दिनु हुदैन ,सजाय पाउनै पर्छ । जनहित विकास समाजकी अध्यक्ष आशा सरदारले बलात्कारको घटना दिनानुदिन बढदै गएकोप्रति चिन्ता व्यक्त गर्दै यस्तो घटनामा दोषी पत्ता नलागनु लागे पनि दोषी उम्कनु यो गम्भीर बिषय रहेको औल्याइन । उनले भनिन् - “जहाँ हामी छोरी बचाउ छोरी पढाउको अभियान चलाई रहेका छौं त्यहि छोरी असुरक्षित छ।”

महिलाहरु जहिले पनि हिंसाको सिकार हुनु परेका बताउँदै अधिकारकर्मीहरुले यस्तो घटना कुनै पनि हालतमा सह्य नहुने चेतावनी दिँदै दोषीलाई कडा भन्दा कडा कार्वाही माग समेत गरिन । सो जुलुसको कोणसभामा बोल्दै सिमाँचल मैत्री संवाद समुहको अध्यक्ष राजेश कुमार शर्माले विभिन्न देशमा पुजा गरिने गरेको महिलाको सम्मान , स्वाभाविक र रक्षाको लागि जहिले पनि लागि रहदा रहदै पनि यस्तो घटनाले पीडा थपेको बताए ।

उनले भने, - “महिला असुरक्षित बन्दै गइ रहेको छ । हामीले महिलाको सुरक्षाको निम्ति कडा कानुन ल्याउनु पर्छ जस्ले गर्दा अपराधी अपराध गर्न बाट डराइयोस । महिला माथी आँखा गाडने लाई हदै सम्मको सजाय हुनुपर्छ ।”

सिमाँचल मैत्री संवाद समुहको सदस्य युवा भण्डारीले यस्ता घटनालाई ओझेलमा पार्न नहुने बताउँदै निर्दोष छोरी चेली बलात्कारको सिकार बनी दोषी उम्कीए भोलीको दिनमा अन्य नागरिक पनि यसको शिकार हुने भएकोले दोषीलाई सख्त कारवाहीको माग गरे । उक्त कोणसभामा विभिन्न राजनीतिक दलका प्रतिनिधि ,समाज सेवि, विभिन्न संघ संस्थाका प्रतिनिधि महिला युवा लगायतको उपस्थिति रहेको थियो।