अमरखाना समाजद्धारा उपचार सहयोग

न्यूज ब्यूरो, जनकपुरधाम । धनुषाको अमरखानामा एक पीडितलाई अस्पताल उपचार खर्चको लागि अमरखाना समाजद्धारा आर्थिक सहयोग गरिएको छ ।

मँगलबार एक कार्यक्रमबीच सबैला नगरपालिका वडा नं. १० अमरखाना बस्ने स्थानीय बुधे रायको नातीको उपचार हेतु अमरखाना समाज सेवा र न्यू हनुमान युवा कमिटिको सँयुक्त सहयोगमा रु. १० हजार ५० रुपैयाँ सहयोग गरिएको हो । विगत केही दिनदेखि अस्पतालमा रहेका उनका नातीलाई उपचारमा सहयोग गर्ने हेतु सहयोग गरिएको जनाइएको छ ।

उपचारको लागि सँस्थाका सभापति सुरेन्द्र राय, सभामुख ललन राय, कोषाध्यक्ष राकेश राय, सचिव ललित राय र पशुपति शर्मा लगायतले पीडितलाई सहयोग गरेको हो । समाजसेवा भावलाई गाउँका निमुखा, गरिब, अल्पसँख्यक, सीमान्तकृत समुदायलाई सहयोग गर्दै आएको सचिव ललित रायले जानकारी दिए ।