कोशी हेल्थ ईन्सटिच्यूट विराटनगरमा रक्तदान

न्यूज ब्यूरो, विराटनगर । प्रदेश १ को राजधानी विराटनगरमा रक्तदान कार्यक्रम गरिएको छ ।

लायन लियो क्लब विराटनगर र लायन्स लियो क्लब विराटनगर हेल्थ प्रोफेसनलको संयुक्त आयोजनामा विराटनगरस्थित कोशी हेल्थ ईन्सटिच्यूटमा रक्तदान गरिएको हो । मंलगबार भएको उक्त रक्तदान कार्यक्रममा जम्मा ८० जनाले रगत दान गरेका छन् ।

रगतको बढ्दो मागलाई मध्यनजर गर्दै रक्तदान कार्यक्रम गरिएको लायन लियो क्लब विराटनगरका अध्यक्ष तथा कोशी हेल्थ ईन्सटिच्यूटका प्रिन्सिपलसमेत रहेका सूर्य नारायण चौधरीले जानकारी दिए । रगतको अभावमा अकालमै ज्यान गुमाउनु पर्ने समस्यालाई न्यूनिकरण गर्न रक्तदान कार्यक्रमबाट संकलित रगतले सहयोग पुग्ने उनले विश्वास लिए ।

रक्तदान कार्यक्रममा सहभागी भएर रक्तदान गर्ने व्यक्तिहरुलाई आयोजकले धन्यवाद ज्ञापन गर्दै निरन्तर साथ, सहयोग एवं सहकार्यको लागि अपिल गरे । रक्तदान कार्यक्रमको प्रमुख अतिथिमा क्लबका गर्भनर राजन खत्री रहेका थिए भने विशिष्ट अतिथिमा पूर्व गर्भनर भिम घिमिरे, रोशन पौडेल लगायतका उपस्थित थिए ।