शिवधनुषको दर्शन गर्न धनुषाधाम पुग्दै विवाहपञ्चमीका श्रद्धालुहरु

न्यूज ब्यूरो, जनकपुरधाम । विवाहपञ्चमी महोत्सव भर्न आएका भक्तजनहरु धनुषाको ऐतिहासिक स्थल धनुषाधाममा घुंईचो बनाएको छ ।

त्रेता युगमा भगवान रामले जनकपुरधाममा शिवधनुष भाँच्दा शिवधनुषको एक टुक्रा धनुषाधाममा झरेको इतिहासलाई मान्दै विवाहपञ्चमीको अवसरमा धनुषाधाममा पनि श्रद्धालुहरुको भीड लाग्ने गरेको छ ।
यहाँ अव्यवस्थित ५ सय ५० वर्ष पुरानो पीपलको फेदमा रहेको शिव धनुषको अवशेष प्रत्येक तीन चार वर्षमा पूर्व दिशातर्फ तर्फ फैलिदै गईरहेको छ । शिवधनुषको अवशेष बढदै गएपछि श्रद्धालुहरु शिवधनुष हेर्न पनि धनुषाधाम जाने गरेको छ ।

बाहिरबाट आएका श्रद्धालुहरुलाई मध्यजनर गर्दै धनुषाधाम नगरपालिकाको कार्यालयले वासको व्यवस्था मिलाएको हो । धनुषाधाम स्थित पण्डाल लगाएर उनीहरुको वासको व्यवस्था मिलाएको हो । विवाहपञ्चमीमा जनकपुर आउने करिब ७५ प्रतिशत श्रद्धालुहरु धनुषाधाम शिवधनुष दर्शनको लागि जाने गरेको छ ।