मिर्चैयामा पुस्तकालय स्थापना हुँदै, सक्ने पुस्तक सहयोग गर्न अपिल

न्यूज ब्यूरो, सिरहा । सिरहाको मिर्चैया नगरपालिकामा पुस्तकालय स्थापना हुने भएको छ ।

मिर्र्चैया नगरपालिका ८ स्थित भगवतपुरमा जनसेवा युवा क्लबले परिवर्तनका लागि शिक्षा, शिक्षाका लागि पुस्तकालय भन्ने मुल नाराका पुस्तकालय स्थापना गर्न लागेको हो । क्लबद्धारा स्थापना गर्न लागिएको उक्त सामुदायिक पुस्ताकालयको लागि पुस्तक संकलन कार्य तीव्र पारिएको छ ।

क्लबले पुस्तकालयको लागि चाहिने पुस्तकपुस्तिका तथा अन्य सामग्रीहरु जुटाउन अभियान नै संचालन गरेको छ । यस क्षेत्रका विद्यार्थीहरुको सहजताको लागि तथा शैक्षिक अवस्थामा सुधार गर्ने हेतुले पुस्तकालय स्थापना गर्न लागेको क्लबका संस्थापक अध्यक्ष सुरेन्द्र यादवले जानकारी दिए ।

पुस्ताकालय स्थापनाको लागि सक्ने पुस्तक सहयोग गरेर क्लबले लिएको शिक्षित समाज निर्माणको लक्ष्यमा सहयोग गर्न अध्यक्ष यादवले अपिलसमेत गरे । पुस्तकालयको लागि आवश्यक तयारी पूरा भएपछि एक कार्यक्रम आयोजना गरी पुस्तकालयको उद्घाटन गर्ने क्लबको तयारी छ । पुस्तकालयको नाम जनसेवा सामुदायिक पुस्तकालय राखिनेछ ।

यसबारे विस्तृत जानकारीको ९८०४८६१४४० र ९९२५७५६०३२ मा सम्पर्क गर्न क्लबले अनुरोध गरेको छ । हालै स्थापना भएको जनसेवा युवा क्लबले त्यस क्षेत्रमा समाजिक रुपान्तरणका लागि विभिन्न अभियान तथा कार्यक्रमको सुरुवात गरिसकेको छ ।